Vísbendingar eru um að íslenski auglýsingamarkaðurinn sé með rólegasta móti um þessar mundir. Það að auglýsingasalan gangi hægt ætti ekki að koma á óvart þegar haft er í huga að nýjustu mælingar sýna að bjartsýnisvísitala heimila og fyrirtækja er með lægsta móti og drunginn yfir samfélaginu svipaður í dag og þegar bölsýnin var hvað mest í kórónuveirufaraldrinum.