Stofna sjálfshjálparhóp fyrir karlmenn á Austurlandi

Til stendur að stofna sjálfshjálparhóp fyrir karlmenn með andlegan vanda á Austurlandi. Stofnandi hópsins segir skort á úrræðum sem miða sérstaklega að körlum í landshlutanum. „Það er ljóst að það er andlegur vandi á meðal karlmanna, ungra sem eldri á svæðinu, sem engin úrræði ná yfir“ segir Sveinn Snorri Sveinsson í viðtali við fréttastofu. Hann er íbúi á Egilsstöðum og stofnandi sjálfshjálparhópsins ásamt Trausta Traustasyni. „Þetta kemur til með að vera grúppa, grúppufundir, þar sem setið ...