Einn fluttur til aðhlynningar eftir árekstur á Sprengisandi

Einn var fluttur á sjúkrahús með minniháttar áverka eftir árekstur tveggja bíla við Sprengisand í dag. Lárus Steindór Björnsson, varðstjóri hjá Slökkviliðinu á höfuðborgarsvæðinu, segir slysið ekki hafa verið alvarlegt. Tveir bílar hafi rekist saman með þeim hætti að annar keyrði aftan á hinn. Slysið varð við afrein af Reykjanesbraut í áttina að Árnesbrekku.