Bílslys í Biskupstungum

Almannavarnir virkjuðu hópslysaáætlun vegna umferðarslyss á Suðurlandi um klukkan hálf þrjú í dag. Smárúta og fólksbíll rákust saman á gatnamótum Biskupstungnabrautar og Laugarvatnsvegar, segir Lögreglan á Suðurlandi Ekki er ljóst hve margir voru í bílunum. Nokkrir eru slasaðir en ekki er vitað hve margir eða hve alvarlega. Lögregla er komin á staðinn, ásamt sjúkrabílum og slökkviliði. Þyrla Landhelgisgæslunnar hefur verið kölluð út. Fréttin verður uppfærð.

By Fréttastofa RÚV