Þrjár nýjar vatnsrennibrautir rísa á Sauðárkróki

Framkvæmdir eru hafnar við byggingu þriggja nýrra vatnsrennibrauta í Sundlaug Sauðárkróks. Stærsta rennibrautin verður 65 metra löng með slaufum og ljósagöngum. Rennibrautarturninn verður 12 metra hár, upphitaður og lýstur. „Sannkallað kennileiti sem mun setja svip sinn á bæinn,“ segir í tilkynningu frá sveitarfélaginu á Facebook. Þar segir að ef allt gangi eftir geti Skagfirðingar rennt sér í glænýjum rennibrautum strax í júní. Skagafjörður