Ekkja Andemariams: „Hér í Svíþjóð hefur ekkert gerst í þessu máli, ég hef engar bætur fengið“

Mehrawit Tesfaslase, eftirlifandi eiginkona fyrsta plastbarkaþegans Andemariams Beyene, segist ekki hafa fengið neina afsökunarbeiðni eða skaðabætur frá sænska ríkinu. Þess vegna segist hún vera sérstaklega þakklát fyrir það að einhver opinber aðili hafi loksins staðfest að mistök hafi verið gerð í plastbarkamálinu. Þetta segir Mehrawit í svörum til fréttastofu þegar hún er spurð um dóminn sem féll í Héraðsdómi Reykjavíkur í síðustu viku þar sem komist var að þeirri niðurstöðu að íslenska rík...