Mölturiddari í 33 ár: „Ég vissi alveg hvað ég var að gera og þetta var hluti af mér“

„Allt sem þú fékkst hjá kaþólsku kirkjunni fannst mér gefa mér svo mikið. Mér fannst ég einhvern veginn vera kominn heim,“ segir Hreinn Líndal óperusöngvari sem er einn af átta íslenskum Mölturiddurum. Möltureglan, elsta riddarareglan í heimi, er frábrugðin flestum öðrum kaþólskum trúarreglum að því leyti að hún er alþjóðlegur lögaðili, gefur út sín eigin vegabréf, frímerki, númerplötur og mynt. Hún er með sendiráð í 115 ríkjum, sendiherra hjá Evrópusambandinu og áheyrnarfulltrúa hjá Sameinuð...