Gátu ekki upplýst orsök þess að kafari missti meðvitund

Rannsóknarnefnd samgönguslysa gat ekki komist að orsök þess hvers vegna 65 ára maður missti meðvitund við hópköfun í Silfru á Þingvöllum sumarið 2024. Nefndinni var ekki tilkynnt um slysið heldur frétti hún af því í fjölmiðlum. Það tók lögreglu sextán daga að svara upplýsingabeiðni nefndarinnar. Þá var kafarinn farinn af landi brott. Þetta kemur fram í skýrslu rannsóknarnefndar samgönguslysa sem var birt í gær. Þrír kafarar voru með leiðsögumanni, 46, 65 og 74 ára. Elsti kafarinn fór tvisvar...