Blindir og sjónskertir heimsóttu Veiðisafnið á Stokkseyri

Ísbjörn, gíraffi, sebrahestur og ljón voru meðal uppstoppaðra dýra, sem blindir og sjónskertir félagsmenn Blindrafélags Íslands fengu að snerta og þreifa á þegar Veiðisafnið á Stokkeyri var heimsótt. Mikil ánægja var með heimsóknina. Páll Reynisson, sem hefur verið með safnið í tuttugu og tvö ár sýndi safnið og leyfði öllum að þreifa og snerta eins og þeir vildu. Hann hefur meira og minna veitt öll dýrin á safninu og fengið svo færa uppstoppara til að stoppa þau upp. „Upplifunin er svo mikil...