„Eins og ef þú byggir á Gullfossi og Geysi“

Sólarþyrstir Íslendingar settu margir hverjir stefnuna á Kanaríeyjar um páskana. Ætla má að yfir tíu þúsund hafi ferðast þangað og sums staðar er vart þverfótað fyrir Íslendingum. Herdís Hrönn Árnadóttir, vert á Nostalgiu - íslenska barnum á Tenerife, segir að flestir haldi til á svipuðum slóðum á eynni. „Þetta er eins og ef þú byggir á Gullfossi og Geysi. Þetta eru bara túristar og þar sameinast þeir allir.“ „Fólk er að koma hérna í viku og það vill bara sólina,“ segir Herdís. „Ef það dregur...