Til þriggja Kanaríeyja í einni ferð

Kanaríeyjar eru miklu meira en sólarstrendur. Þær búa yfir fjölbreyttri menningu og eiga sér um margt merkilega sögu,“ segir Aðalheiður Jónsdóttir fararstjóri. Í leiðangri sem Bændaferðir gerðu út á dögunum fór hún fyrir hópi 30 Íslendinga sem heimsóttu eyjarnar Gran Canaria, Lanzarote og Tenerife. Kanaríeyjar úti fyrir Afríkuströndum eru sjö talsins, en meðal ferðafólks njóta þær sem hér að framan eru nefndar mestra vinsælda.